《我的港女老婆》現已發售！

Cuson 的第一本書《我的港女老婆》現於各大書店有售，每本定價＄５０（田園書屋八折，三聯書局九折）。
敬請各大大多多支持支持！！！！！

內容簡介：

...「相 信大部分人都係睇過我畫的政治漫畫而認識本人，不過呢本書絕對無半點政治成份。本書內容主要以我老婆為中心骨幹，唔好誤以為呢本係以冧爆老婆為目的的讀物，相反，本書係我對老婆作出的種種控訴，揭露佢不可理喻的惡行，藉此宣泄我日常受到的各種鬱 結……鳴鳴……」
──Cuson咳神

Cuson 出書，叫毓民寫序，義不容辭。睇完佢本書，先至知道Cuson 同毓民一樣怕老婆：老婆的說話，理解的要執行，不理解的也要執行！
Cuson 新作，兩個字，好睇！三個字，好好睇！
──黃毓民

此書內容99%係真實故事， 之不過用佢一貫誇張嘅畫法，再加上少少虛構幻想之後，唔多唔少都有極大誤導讀者嘅成份。不過更重要嘅係整個個人形象被扭曲再歪曲，間中出現嘅醜態被毫不保留畫晒出嚟，好嘢就收埋晒去牀下底……勸喻聰明嘅讀者觀看此書時盡量放低你哋嘅腦袋，好hea 咁睇完就算，唔好擺喺心入面！

──Cuson 老婆

作者簡介：

筆名：cuson(咳神)
自 由插畫師、漫畫家，近數年活躍於網絡世界，主力以blog、 facebook作為發表自己作品的平台，五區公投漫畫版作者，am730駐報漫畫家，milk雜誌隔週漫畫連載，於2007年聯同數位志同道合自資出版 CG插圖畫集《drawin9 life》。